Mittwoch, 23. Juni 2010

De Kooh Buntjack und de A 39

Wenn hüt de Landvermeters komt, denn geit dat nich mehr üm die Isenbahn, woll awer üm de Autobahn. Und do is dat schad, dat wi nich mehr so veele Kööh hebt as fröher mal.

Min lewen Carl Friedrich Bautsch, watt du dor vertellt hest von de Kooh Buntjack, de dan Landvermeter upn Boom jogt het, dat het mik god gefalln und doröber hebbt sik woll alle Lesers högt. Wenn hüt de Landvermeters komt, denn geit dat nich mehr üm die Isenbahn, woll awer üm de Autobahn. Und do is dat schad, dat wi nich mehr so veele Kööh hebt as fröher mal. Da möt wi uns nu sölbens helpen.
Ik wet ja, dat Du ok keen fründ von düsse A 39 büst. Und wenn Du vertellst, dat de Buern fröher de Isenbahn gor nicht kennt hebt und dorvör bang wörn, denn is dat dütmal nich so: Wat so een Monster allns twei mokt an Landschaft und Heimat und Natur, dat weet man hüt genau – und dat de neien Autobahnen keene Arbeit mehr schafft, dat is ok klor.
Und de Lüd, de noch glöwt, dat se mit de A 39 fix na Hamborg föhren könnt, kannst seggen: Vielliecht komt jü denn tein Minuten fröher no Maschen – awer de A 1 kann denn düssen zusätzlichen Verkehr nich mehr upnähmen – so dat jü denn een halve Stunn und mehr in Stau stoht. Beter, noch mehr Pendlers wörn mit dan Metronom föhrn und mehr Sack un Pack köm up de Isenbahnwaggons – denn geev dat ok wedder mehr Platz up de Straaten.
Ne, all de Politikers, de för de A 39 schnackt, de weet sonst nich recht, wat se uns sonst vertelln könnt, wat för uns in uns Landkreis wichtig is. Und denn kümmt jüm so een Feigenblatt jüst topass. Mannich mol hev ik all dacht, dat dat gor nich so verkehrt wör, wenn een Koh wie Buntjack jüm all tosamen mol richtig up Trapp bringen kunn... Adschüß, din Eckehard Niemann Quelle: Leserbrief von Eckehard Niemann